Regulum et Scauros animaeque magnae Prodigum Paulum superante Poeno Gratus insigni referam Camena Fabriciumque. 40 Hunc et incomptis Curium capillis Utilem bello tulit et Camillum Saeva paupertas et avitus apto Cum lare fundus. 44 Crescit occulto velut arbor aevo Fama Marcelli; micat inter omnes Iulium sidus velut inter ignes Luna minores. 48
[Linenotes: 37. +Scauros+[34] (= +Scaurum+) = _such men as Scaurus_. Censor, 100 B.C. 40. +Fabricium+, who despised the bribes of Pyrrhus. Censor 275 B.C. See p. 101, Fabricius the Just. [[Selection D42]] 43-44. +apto cum lare+ = _with homestead to match_. --Gow.]
[Footnote 34: Cf. in French, _Les Vergiles_.]
Visus eram molli recubans Heliconis in umbra, Bellerophontei qua fluit umor equi, Reges, Alba, tuos et regum facta tuorum, Tantum operis, nervis hiscere posse meis; 4 Parvaque tam magnis admoram fontibus ora, Unde pater sitiens Ennius ante bibit, Et cecini Curios fratres et Horatia pila, Regiaque Aemilia vecta tropaea rate, 8 Victricesque moras Fabii pugnamque sinistram Cannensem et versos ad pia vota deos, Hannibalemque Lares Romana sede fugantes, Anseris et tutum voce fuisse Iovem. 12
+Subject:+--Propertius had tremblingly touched the mighty fount with his lips (l. 5): he dreamed that he essayed, in consequence, to follow the example of Ennius.
[Linenotes: 2. i.e. the Spring of Pirene near Corinth, where Pegasus was caught by Bellerophon. Its waters possessed inspiring properties. 4. +nervis ... meis+ = _that I had strength to gasp forth_. --Ramsay. 7. +Curios+ = _Curiatios_. +Horatia pila+: see pp. 67-68. [[Selections D8, D9]] 8. +Aemilia+, i.e. of L. Aemilius Paullus (son of the hero of Cannae), victor at Pydna 168 B.C. over Perseus of Macedon. 10. +versos ... deos+, i.e. the solemn ordinances decreed by Fabius, Dictator after Trasimene, to which the gods _turned a ready ear_ (+versos+). 12. +fuisse+, dependent on +cecini+ l. 19. +Iovem+, i.e. _Iovis Capitolini templum_. See p. 84.] [[Selection D25]]
Altera iam teritur bellis civilibus aetas, Suis et ipsa Roma viribus ruit. Quam neque finitimi valuerunt perdere Marsi, Minacis aut Etrusca Porsenae manus, 4 Aemula nec virtus Capuae nec Spartacus acer Novisque rebus infidelis Allobrox, Nec fera caerulea domuit Germania pube Parentibusque abominatus Hannibal: 8 Impia perdemus devoti sanguinis aetas, Ferisque rursus occupabitur solum.