Medcimiu p'kokni tohokyoltowuk; k'tciyawiu w'ski‛tap epidcik wasis'k nespiw'sikyojik yut metci-mipniltimkil; nit etutc-al-ithuswin'k nek'meyu tepithotmo‛tit tcewi ke‛kw εleyu; eliyowuk tcewi εleyutetc na neksēyu. Nit etutci m'sīu sise-p'tcitaketil kinwetwaswinti m'sī-te elipit w'skitcin; ankwotc elk'wiyik saunisnuk; ankwotc w'tcip'nuk; k't'kik snutsekt'nuk; k't'kik k'skiyasnuk. P'tcio-te petciyik Wapna‛kik. K'matc w'sipkikm'n yaka kes'wuk naka wew'tciyanya. Nit-te tama wejiwe‛tit w't-iyawa w'skitc'no: "k'p'tciptoln'n w'li-ak'not'mâk'n." Nit etlausitkw'ton kisi-putwuso li-kislut'muk. M'sī-te tekepit w'skitcin kinwe‛to nit k'tci lakutwâk'n kitwitaso. M'sīu w'skitcin nut'k ak'notmâk'n; m'sīu w'lit'hasu. M'sīu w'siwatcyokony'l kat-kisilet-te kaum'k mat'nitin. Nit m'sīu kesukmiksit op'dcitakan oputwuswin'm. Nit m'sīu kesukmiksit op'tcitakan nisu kesena akwam'k oputwuswin'm natciwitcitak'wik k'tci lakutwâk'n kesena k'tci maweputwuswâk'n.
Nit m'sīu kis-maweusetil; nit o-matce-tepithotm'nya ta nite w't-elokh'tinya. Ste‛pal m'sīu siwatcyoko‛tit eli-wap'li-p'mau‛sit. Yok't k'tci sak'mak w't-iyana k't'kihi: "yut elapim'k asit-wetcosyo‛kw k'n'mi‛tunen eli-p'kaknapt'wuk; k'n'mi‛tonenw'l kesek ewaplikil; yut'l p'kaknikil t'm'hîk'nsis'l-lo naka tapyik t'pa‛kwyil tcewi-puskenosw'l oskeniu." Nit-te m'sīu w't'li-kislutm'nya w't'lakutinya. Nit w't-akinwi-ponm'nya kis'k etutci-putwusi‛tit. Nit liwetasu tcikte wikwam. Yot w'kesekm'nya etasi-kiskakil katama-lo wen k'losiu. M'sī-te putwuswin tcewit-lithasu tanetc w't-itm'n; tan etutci litutit t'pask'swâk'n'l; m'sī-te w'tepithotm'nya tanetc-li kisi-tcenetaso man'tim'k; kwuni tcikpultowuk lo; pem-lokemkil.
Always bloodily they were fighting; many men, women (and) children were tortured by these continual wars; then these wise ones take thought so that something may be done; and that quickly; then all send a messenger to every place where the Indians dwell; some go to the south; some to the east; some to the west; others to the north-west. They even come as far as the Wabanaki. Very long it takes, even months, till they arrive. Then when they come there, they say to the Indians: "We bring you good news." Then when they arrived, they took counsel what to decide. To all Indians dwelling there one announces that a great peace will be called. All the Indians hear the news; all rejoice. All are weary of having made continual warfare. Then every tribe sends its councillor. Every tribe sends two or more councillors that they may be present at the great peace, or great general council.