114. Ung aultre tableau de Nostre Dame de Pitié, à vi personnages, comprins Nostre Seigneur.
115. Ung aultre tableau de Nostre Dame habillée de rouge, assise sur ung tabernacle de massonnerie, qu'il se clot à deux fulletz et ausquelx il y a escript une oraison en latin commencent: Virgo decus.
116. Ung aultre tableau figuré comme Nostre Seigneur aloit à la mort portant sa croix, les bors dorez.
117. Ung aultre petit tableau d'ung homme habillé de noir à nue teste. Le fond dudit tableau verd.
118. Ung aultre tableau d'ung personnaige de moien eaige, ayant une robbe noire à un collet fourée de martre et ung chapperon noir sur son espaule, à hault bonnet. Le fond dudit tableau de brune verd.
119. Ung aultre tableau d'ung personnaige, comme marchant à rond bonnet ayant les mains l'une sur l'aultre. La robbe de pourpre, le fond dudit tableau verd.
120. Ung aultre petit double tableau, où il y une jeusne fille, habillée à la mode d'Espaigne, ayant ung bonnet rouge sur sa teste, l'aultre cousté plain d'escripture.
121. Ung aultre tableau d'ung marchant ytalien, à rond bonnet, son habit de couleur de pourpre le fondz verd, à grosse chevelure.
122. Ung aultre petit tableau de la portraiture de Madame de Horne, ayant un carcant au col.
123. Ung aultre riche tableau de la portraiture de Madame, fete en tapperisserie après le vif.
124. Ung aultre tableau de Nostre Dame tenant Nostre Seigneur nuz devant elle, clouant à deux feuillêtz, où il y a deux anges tenant l'ung une espée en sa main.[153]
[153] On lit dans l'inventaire de 1516: 'Ung petit tableau d'ung Dieu de pityé estant es bras de Nostre Dame; ayant deux feulletz dans chascun desquelz y a ung ange et dessus desdits feulletz y a une annunciade de blanc et de noir. Fait le tableau de la main de Rogier (Van der Weyden) et lesditz feulletz de celle de maistre Hans (Hemling son élève).'
125. Ung aultre tableau de Nostre Dame, ayant une couronne sur sa teste et ung petit enfant tenant une longette paternostre de coral.
126. Ung aultre petit tableau de sainct Françoys au bout duquel il y a escript: Saincte Francise ora pro nobis--
127. Ung Saincte Anthoine à manteau bleu, ayant ung crucifis emprès de luy, tenant ses mains joinctes; sur toille.