Oppressit hairt indure In dolour and distress, Wappit without recure[1318] In wo remidiless. Sen scho is merciless, And caussis all thy smert, Quhilk suld thy dolour dress[1319], Indure, oppressit hairt.

Perforss tak paciens, And dre[1320] thy destany. To lufe but recompens Is grit perplexitie. Of thyne aduersitie Wyt[1321] thy-self and no mo, For quhen that thow wes fre Thow wald nocht hald thé so.

Scottish Poetry of the Sixteenth Century — Part 96

Thow langit ay to prufe The strenth of luvis lair[1322], And quhat kin[1323] thing wes lufe, Quhilk now settis[1324] thé so sair. Off all thy wo and cair It mendis thé nocht to mene[1325]: Howbeid thow suld forfair[1326], Thy-self the causs hes bene.

Scottish Poetry of the Sixteenth Century — Part 96

Quhen thow wes weill at eiss, And subiect to no wicht, Thow hir for lufe did cheiss[1327] Quhilk settis thy lufe at licht; And thocht thow knew hir slicht[1328] Yit wald thow [nocht] refrane, Thairfoir it is bot rycht That thow indure the pane.

Scottish Poetry of the Sixteenth Century — Part 96

Bot yit my corpss, allace, Is wrangusly opprest Be thé in-to this cace, And brocht to grit wanrest[1329]. Quhy suld it so be drest[1330] Be thé, and daly pynd[1331], Quhilk still it ay detest? Thy wantoun folich mynd.

The blenkyne[1332] of ane e Ay gart thé goif and glaik[1333]; My body bad lat be, And of thy siching slaik[1334]. Thow wald nocht rest, bot raik[1335], And lair[1336] thé in the myre; Yit felyeit thow to faik[1337] That thow did maist desyre.

Thocht thow do murn and weip, With inwart spreit opprest, Quhen vthir men takis sleip Thow wantis the nychtis rest. Scho quhome thow luvis best Off thé takis littill thocht, Thy wo and grit wanrest And cair scho countis nocht.

Thairfoir go hens in haist, My langour to lament, Do nocht my body waist, Quhilk nevir did consent. And thocht thow wald repent That thow hir hes persewit. Yit man[1338] thow stand content, And drynk that thow hes brewit.

To luve vnluvit it is ane pane; For scho that is my souerane, Sum wantoun man so he[1339] hes set hir That I can get no lufe agane, Bot brekis my hairt, and nocht the bettir.

Quhen that I went with that sweit may To dance, to sing, to sport and pley, And oft-tymes in my armis plet[1340] hir, I do now mvrne both nycht and day, And brekis my hart, and nocht the bettir.

Quhair I wes wont to se hir go Rycht trymly passand to and fro With cumly smylis quhen I met hir; And now I leif in pane and wo, And brekis my hart, and nocht the bettir.