“And have my tender body be thy side, So propir, fet, quhilk nature hes provide With every pleseir that thow may devine, Ay quhill my tender yeris be ouir-slide. Than gif it pleis that I thy bridill gide Thow mon alway fra agit men decline; Sine dres thy hart, thy curage, and ingine[626] To suffir nane into thy hous abide Bot gif thay will unto thy lust[627] incline.

“Gif thow desiris in the seis fleit[628] Of hevinly blis, than me thy lady treit; For it is said be clerkis of renoun Thair is na pleseir in this eird so gret As quhen ane luffar dois his lady meit, To quikin his life of mony deidly swon. As hiest pleseir but comparison I sall thé geif, into thy yeris swete, Ane lusty halk with mony plumis broun,

Scottish Poetry of the Sixteenth Century — Part 52

“Quhilk sal be found so joyus and plesant, Gif thow unto hir mery flichtis hant[629], Of every blis that may in erd appeir, As hart will think, thow sall no plente want, Quhill yeris swift, with quhelis properant[630], Consume thy strenth and all thy bewte cleir.” And quhen Delite had said on this maneir, As rage of youtheid thocht maist relevant Than Virtew said as ye sall eftir heir.

Scottish Poetry of the Sixteenth Century — Part 52

“My landis braid, with mony plentuus schire[631], Sall gif thy Hienes, gif thou list desire, Triumphant glore, hie honoure, fame devine, With sic pissance that thaim na furius ire, Nor werand[632] age, nor flame of birnand fire, Nor bitter deith, may bring unto rewine. Bot thow mon first insuffer mekill pine[633], Abone thy-self that thow may have empire; Than sall thy fame and honoure have na fine[634].

Scottish Poetry of the Sixteenth Century — Part 52

“My realme is set among my fois all; Quhilkis hes with me ane weir[635] continewall, And evir still dois on my bordour ly; And, thoucht thay may no wayis me ouirthrall[636], Thay ly in wait, gif ony chance may fall Of me sum-time to get the victory. Thus is my life ane ithand chevalry[637]: Laubour me haldis strang as ony wall And no-thing brekis[638] me bot slogardy.

“Na fortoun may aganis me availl Thoucht scho with cludy stormis me assaill. I brek the streme of scharp adversite. In weddir louin[639], and maist tempestius haill, But ony dreid, I beir ane equall saill, My schip so strang that I may nevir de. Wit, reason, manheid, governis me so hie, No influence nor sterris may prevaill To regne on me with infortunite.