[Headnote: To multiply one Composite by another.]
¶ Postea p{ ro}cedas postrema{ m} m{ u}ltiplica{ n}do [Recte multiplicans per cu{ n}ctas i{ n}feriores] Condic{ i}onem tamen t{ a}li q{ uod} m{ u}ltiplicant{ es} Scribas in capite quicq{ ui}d p{ ro}cesserit inde Sed postq{ uam} fuit hec m{ u}ltiplicate fig{ ur}e Anteriorent{ ur} serei m{ u}ltiplica{ n}t{ is} Et sic m{ u}ltiplica velut isti m{ u}ltiplicasti Qui sequit{ ur} nu{ mer}u{ m} sc{ ri}ptu{ m} quiscu{ n}q{ ue} figur{ is}.
[Sidenote: How to multiply one number by another. Multiply the 'last' figure of the higher by the 'first' of the lower number. Set the answer over the first of the lower: then multiply the second of the lower, and so on. Then antery the lower number: as thus. Now multiply by the last but one of the higher: as thus. Antery the figures again, and multiply by five: Then add all the figures above the line: and you will have the answer.]
¶ Her{ e} he teches how þ{ o}u schalt wyrch in þis craft. þou schalt m{ ul}tiplye þe last figur{ e} of þe nombre, and quen þ{ o}u hast so ydo þou schalt draw all{ e} þe figures of þe neþ{ er} nounbre mor{ e} taward þe ry[gh]t side, so qwe{ n} þ{ o}u hast m{ u}ltiplyed þe last figur{ e} of þe heyer nounbre by all{ e} þe neþ{ er} figures. And sette þe nounbir þat comes þer-of ou{ er} þe last figur{ e} of þe neþ{ er} nounb{ re}, & þen þou schalt sette al þe oþ{ er} fig{ ur}es of þe neþ{ er} nounb{ re} mor{ e} ner{ e} to þe ry[gh]t side. ¶ And whan þou hast m{ u}ltiplied þat figur{ e} þat schal be m{ u}ltiplied þe next aft{ er} hym by al þe neþ{ er} figures. And worch as þou dyddyst afor{ e} til [*leaf 156b] þou come to þe ende. And þou schalt vnd{ er}stonde þat eu{ er}y figur{ e} of þe hier nounb{ re} schal be m{ u}ltiplied be all{ e} þe figur{ e}s of the neþ{ er} nounbre, yf þe hier nounb{ re} be any figur{ e} þen on{ e}. lo an Ensampul her{ e} folowyng{ e}.
þou schalt begyne to m{ u}ltiplye in þe lyft side. M{ u}ltiply 2 be 2, and twyes 2 is 4. set 4 ou{ er} þe hed of þ{ a}t 2, þen m{ u}ltiplie þe same hier 2 by 3 of þe nether nounbre, as thryes 2 þat schal be 6. set 6 ou{ er} þe hed of 3, þan m{ u}ltiplie þe same hier 2 by þat 2 þe quych stondes vnd{ er} hym, þ{ a}t wol be 4; do away þe hier 2 & sette þ{ ere} 4. ¶ Now þ{ o}u most antery þe nether nounbre, þat is to say, þ{ o}u most sett þe neþ{ er} nounbre more towarde þe ry[gh]t side, as þus. Take þe neþ{ er} 2 toward þe ry[gh]t side, & sette it eue[n~] vnd{ er} þe 4 of þe hyer nounb{ r}e, & ant{ er}y all{ e} þe figures þat comes aft{ er} þat 2, as þus; sette 2 vnd{ er} þe 4. þen sett þe figur{ e} of 3 þ{ ere} þat þe figure of 2 stode, þe quych is now vndur þ{ a}t 4 in þe hier nounbre; þen sett þe oþer figur{ e} of 2, þe quych is þe last fig{ ur}e toward þe lyft side of þe neþ{ er} nomb{ er} þ{ ere} þe figur{ e} of 3 stode. þen þ{ o}u schalt haue such a nombre.