The following is a copy of the information:--
Memorandum quod Robertus Sawyer miles, Attornatus domini Regis nunc Generalis, qui pro eodem domino Rege in hac parte sequitur, in propria persona sua venit hic in curiam dicti domini Regis, coram ipso Rege apud Westmonasterium, die Mercurii proximo post quindenam Paschæ isto eodem termino, et pro eodem domino Rege dat curiæ hic intelligi et informari, quod die Martis proximo post crastinum Purificationis Beatæ Mariæ Virginis, termino Sancti Hillarii annis regni domini Caroli Secundi nunc Regis Angliæ &c. tricesimo et tricesimo primo, in curia dicti domini Regis coram ipso Rege apud Westmonasterium, eadem curia apud Westmonasterium in comitatu Middlesexiæ tunc tenta existente, per sacramentum duodecim juratorum proborum et legalium hominum comitatus Middlesexiæ prædictæ tunc et ibidem juratorum et oneratorum ad inquirendum pro dicto domino Rege et corpore comitatus prædicti, extitit præsentatum quod Robertus Greene nuper de parochia Sanctæ Mariæ le Strond in comitatu Middlesexiæ Laborer, [ ] Gerrald nuper de parochia prædicta in comitatu prædicto clericus, Henricus Berry nuper de parochia prædicta in comitatu prædicto Laborer, Laurencius Hill nuper de parochia prædicta in comitatu prædicto Laborer, Dominicus Kelly nuper de parochia prædicta in comitatu prædicto clericus, et Philbert Vernat nuper de parochia prædicta in comitatu prædicto Laborer, Deum præ oculis suis non habentes, sed instigatione diabolica moti et seducti, duodecimo die Octobris anno regni domini Caroli Secundi Dei gratia Angliæ Scotiæ Franciæ et Hiberniæ Regis Fidei Defensoris &c. tricesimo, vi et armis &c. apud parochiam Sanctæ Mariæ le Strond prædictæ in comitatu Middlesexiæ prædictæ in et super quendam Edmundum Berry Godfrey militem, in pace Dei et dicti Domini Regis nunc adtunc et ibidem existentem, felonice, voluntarie, et ex malitia sua præcogitata, insultum fecerunt. Et quod prædictus Robertus Greene quoddam sudarium panni lini _anglice a linen handkerchiffe_, valoris sex denariorum, circa collum ipsius Edmundi Berry Godfrey adtunc et ibidem felonice, voluntarie, et ex malitia sua præcogitata, plicavit, et fixavit _anglice did fold, and fasten_. Et quod prædictus Robertus Greene cum prædicto sudario sic per ipsum Robertum Greene plicato et fixato circa collum ipsius prædicti Edmundi Berry adtunc ipsum prædictum Edmundum Berry Godfrey felonice, voluntarie, et ex malitia sua præcogitata, suffocavit et strangulavit _anglice, choake and strangle_, de quibusquidem suffocatione, et strangulatione ipsius Edmundi Berry Godfrey prædicti, per ipsum prædictum Robertum Greene in forma prædicta factis et perpetratis, ipse prædictus Edmundus Berry Godfrey adtunc et ibidem instanter obiit. Et quod prædicti [ ] Gerrald, Henricus Berry, Laurentius Hill, Dominicus Kelly, et Philbert Vernat, adtunc et ibidem felonice, voluntarie, et ex malitia sua præcogitata fuerunt præsentes, auxiliantes, abettantes, comfortantes, assistentes, et manutenentes præfatum Robertum Greene ad prædictum Edmundum Berry Godfrey in forma prædicta felonice, voluntarie, et ex malitia sua præcogitata, interficiendum et murdrandum. Et sic juratores prædicti adtunc dixerunt super sacramentum suum prædictum quod prædictus Robertus Greene, [ ] Gerrald, Henricus Berry, Laurencius Hill, Dominicus Kelly, et Philbert Vernat, modo et forma prædictis, præfatum Edmundum Berry Godfrey felonice, voluntarie, et ex malitia sua præcogitata, interfecerunt et murdraverunt, contra pacem dicti domini Regis nunc, coronam et dignitatem suas &c., per quod præceptum fuit vicecomiti comitatus prædicti quod non omitteret &c. quin caperet eos si &c., ad respondendum &c. Quodque postea, scilicet die Mercurii proximo post crastinum Purificationis Beatæ Mariæ Virginis, termino Sancti Hillarii, anno regni domini Caroli Secundi nunc Regis Angliæ &c. tricesimo et tricesimo primo supradicto coram domino Rege apud Westmonasterium venerunt prædicti Robertus Greene, Henricus Berry, et Laurencius Hill sub custodia Willielmi Richardson generosi tunc custodis gaoli dicti domini Regis de Newgate virtute brevis dicti domini Regis de Habeas Corpus ad subjiciendum, recipiendum &c. in cujus custodia præantea ex causa predicta commissi fuerunt ad barram prædictæ curiæ dicti domini Regis tunc et ibidem ducti in propria persona sua, et adtunc et ibidem statim de præmissis prædictis eis superius impositis separatim allocuti qualiter se velint inde acquietari separatim, dixerunt quod ipsi in nullo fuerunt inde culpabiles et inde de bono et malo posuerunt se separatim super patriam.