Peum dodyw angkyvrwng o angkyuarc Nym daw nym dyvyd a uo trymach Ny magwyt yn neuad a vei lewach Noc ef nac yng cat a vei wastadach Ac ar ryt benclwyt pennawt oed e veirch Pellynic e glot pellws e galch A chyn golo gweir hir a dan dywarch Dyrllydei vedgyrn un mab feruarch
Gueleys y dull o bentir a doyn Aberthach coelcerth a emdygyn Gueleys y deu oc eu tre re ry gwydyn O eir nwython ry godessyn Gueleys y wyr tylluawr gan waur a doyn A phen dyuynwal vrych brein ae knoyn
Gododin gomynnaf oth blegyt Yg gwyd cant en aryal en emwyt A guarchan mab dwywei da wrhyt Poet yno en vn tyno treissyt Er pan want maws mor trin Er pan aeth daear ar aneirin Mi neut ysgaras nat a gododin
Llech llefdir aryf gardith tith ragon Tec ware rac gododin ystre anhon Ry duc diwyll o win bebyll ar lles tymyr Tymor tymestyl tra merin llestyr Tra merin llu llu meithlyon Kein gadrawt rwyd rac riallu O dindywyt en dyuuwyt yn dyvuu Ysgwyt rugyn rac doleu trin tal vriw vu
Dihenyd y bop llaur llanwet Y haual amhal afneuet Twll tal y rodauc Cas o hir gwychauc Rywynyauc diffret Eil with gwelydeint amallet Y gat veirch ae seirch greulet Bit en anysgoget bit get Uoron gwychyrolyon pan ry godet Trwm en trin a llain yt ladei Gwaro rybud o gat dydygei Gant can yg calan darmerthei Ef gwenit a dan vab uruei Ef gwenit a dan dwrch trahauc Un riein a morwyn a menauc A chan oed mab brenhin teithiaug Ud gwyndyt gwaet kilyd gwaredawc Kyn golo gweryt ar grud hael etvynt Doeth dygyrchet y get ae glot ae echiauc Uot bed gorthyn hir o orthir rywynauc
Am drynnv drylav drylen Am lwys am diffwys dywarchen Trihuc baruaut dreis dili plec hen Atguuc emorem ae guiau hem Hancai ureuer uragdenn At gwyr a gwydyl a phrydein At gu kelein rein rud guen Deheuec gwenauwy mab gwen
Am giniav drylav drylen Trym dwys tra diffwys dywarchen Kemp e lumen arwr baruawt asgell Vreith edrych eidyn a breithell Goruchyd y lav loften Ar gynt a gwydyl a phryden A chynhyo mwng bleid heb pren Eny law gnavt gwychlaut ene lenn Prytwyf ny bei marw morem Deheuec gwenabwy mab gwen
He was a man in mind, in years a youth, { 79a} And gallant in the din of war; Fleet, thick-maned chargers { 79b} Were ridden { 79c} by the illustrious hero; A shield, light and broad, Hung on the flank of his swift and slender steed; His sword was blue and gleaming, His spurs were of gold, { 80a} his raiment was woollen. { 80b} It will not be my part To speak of thee reproachfully, A more choice act of mine will be To celebrate thy praise in song; Thou hast gone to a bloody bier, Sooner than to a nuptial feast; { 80c} Thou hast become a meal for ravens, Ere thou didst reach the front of conflict. { 80d} Alas, Owain! my beloved friend; It is not meet that he should be devoured by ravens! { 81a} There is swelling sorrow { 82a} in the plain, Where fell in death the only son of Marro.