32. Wyth that the Perssy was grevyd sore, For soth as I yow saye: He lyghted dowyn vpon his foote, And schoote hys horsse clene awaye.

33. Every man sawe that he dyd soo, That ryall was ever in rowght; Every man schoote hys horsse hym froo, And lyght hym rowynde abowght.

Ballads of Scottish Tradition and Romance — Part 15

34. Thus Syr Hary Perssye toke the fylde, For soth as I yow saye; Jhesu Cryste in hevyn on hyght Dyd helpe hym well that daye.

Ballads of Scottish Tradition and Romance — Part 15

35. But nyne thowzand, ther was no moo, The cronykle wyll not layne; Forty thowsande of Skottes and fowre That day fowght them agayne.

Ballads of Scottish Tradition and Romance — Part 15

36. But when the batell byganne to joyne, In hast ther cam a knyght; The letters fayre furth hath he tayne, And thus he sayd full ryght:

37. 'My lorde your father he gretes yow well, Wyth many a noble knyght; He desyres yow to byde That he may see thys fyght.

38. 'The Baron of Grastoke ys com out of the west, With hym a noble companye; All they loge at your fathers thys nyght, And the batell fayne wolde they see.'

39. 'For Jhesus love,' sayd Syr Harye Perssy, 'That dyed for yow and me, Wende to my lorde my father agayne, And saye thow sawe me not wyth yee.

40. 'My trowth ys plyght to yonne Skottysh knyght, It nedes me not to layne, That I schalde byde hym upon thys bent, And I have hys trowth agayne.

41. 'And if that I weynde of thys growende, For soth, onfowghten awaye, He wolde me call but a kowarde knyght In hys londe another daye.

42. 'Yet had I lever to be rynde and rente, By Mary, that mykkel maye, Then ever my manhood schulde be reprovyd Wyth a Skotte another daye.

43. 'Wherefore schote, archars, for my sake, And let scharpe arowes flee: Mynstrell, playe up for your waryson, And well quyt it schall bee.

44. 'Every man thynke on hys trewe-love, And marke hym to the Trenite; For to God I make myne avowe Thys day wyll I not flee.'

45. The blodye harte in the Dowglas armes, Hys standerde stood on hye, That every man myght full well knowe; By syde stode starrës thre.

46. The whyte lyon on the Ynglyssh perte, For soth as I yow sayne, The lucettes and the cressawntes both; The Skottes faught them agayne.

47. Vpon Sent Androwe lowde can they crye, And thrysse they schowte on hyght, And syne merked them one owr Ynglysshe men, As I haue tolde yow ryght.

48. Sent George the bryght, owr ladyes knyght, To name they were full fayne: Owr Ynglyssh men they cryde on hyght, And thrysse the schowtte agayne.