[253] In the old printed copies, "gif the teacher plainly teach, &c. befoir God."
[254] Supplied from MS. G; but the old printed copies also read, "by the Evangelistis, and by Sanct Paule;" omitting the word "three."
[255] In the old printed copies, "preach, magnifie, and prayse."
TO WHOME SACRAMENTIS APPERTEANE.--CAP. XXIII.
We Confesse and acknawledge that Baptisme apperteaneth alsweall to the infantis of the faithfull, as to those that be of age and discretioun. And so we dampne the errour of [the] Anabaptistes, who deny baptisme to apperteane to children, befoir that thei have faith and understanding. But the Supper of the Lord, we confesse to apperteane onlie to sick as[256] have bene of the houshold of faith, [and] can try and examyn thame selfis, asweill in thair faith, as in thair dewtie towardis thair nychtbouris. Such as eat [and drink] at that holy table without fayth, or being at dissentioun and divisioun with thare brethren, do eat unworthelye: and thairfoir it is, that in our Kirkis our Ministeris tackis publict and particulare examinatioun of the knowledge and conversatioun of suche as are to be admitted to the table of the Lord Jesus.
[256] In the old printed copies, "to sic onlie as be of the houshald."
We Confesse and acknawledge impyres, kyngdomes, dominiounis, and cities to be distincted and ordaned by God: the powers and authorities in the same (be it of Emperouris in thair impyris, of Kingis in thair realmes, Dukis and Princes in thair dominiounis, or of otheris Magistratis in free cities,) to be Godis holy ordinance, ordeaned for manifestatioun of his awin glorie, and for the singulare proffeit and commodite of mankynd. So that whosoever goes about to tack away or to confound the haill state of civile policies, now lang establisched, we affirme the same men not onlie to be ennemyes to mankynd, but also wickedlie to feght against Godis expressed will. We farther Confesse and acknawledge, that sic personis as are placed in authoritie are to be loved, honoured, feared, and holdin in most reverent estimatioun; becaus [that] thei are the lieutennentis of God, in whose sessioun God him self doeth sitt and judge, (yea evin the Judges and Princes thame selfis,) to whome by God is gevin the sweard, to the praise and defence of good men, and to revenge and puniss all open malefactouris. Moreover, to Kingis, Princes, Reullaris, and Magistratis, we affirme that cheiflie and maist principallie the reformatioun[257] and purgatioun of the Religioun apperteanes; so that not onlie thei are appointed for civile policey, bot also for mantenance of the trew Religioun, and for suppressing of idolatrie and superstitioun whatsomever, as in David, Josaphat, Ezechias, Josias, and otheris, heychtlie commended for thair zeall in that caise, may be espyed. And thairfoir we confesse and avow, that sick as resist the Supreme power, (doing that thing which apperteanis to his charge,) do resist Goddis ordinance, and thairfoir can not be guyltless. And farther, we affirme, that whosoever deny unto thame thair aid, counsall, and conforte, while the Princes and Reullaris vigilantlie travaill in the executing[258] of thair office, that the same men deny thair help, supporte, and counsall to God, who by the presence of his lieutennent craveth it of thame.